Eplið, eftir tvo mánuði á eldhúsborðinu

Nú birti ég myndir af eplinu frá Chile, sem kom hingað með viðkomu á Íslandi og hefur staðið á eldhúsborðinu hjá okkur í rétta tvo mánuði. Hér stendur það við hliðina á lífrænt ræktuðu ensku epli, sem kom hingað í gær. Chileeplið er vinstra megin. Munurinn er aðallega litur, svolítill í stærð. Ef grannt er skoðað eru komin dálítil ellimerki á húð Chileeplisins, hrukkur og lítið eitt um álagsmerki.  Annars lítur það ekki mikið verr út en gerist og gengur með epli sem manni stendur til boða að kaupa heima. Þá er bara spurningin hvað ekki sést, hvernig lítur eplið út að innan og hvert er orðið næringargildi þess, t.d. miðað við hitt eplið? Epli og annar jarðargróði missa hratt næringargildi sitt við stofuhita. En þetta er að verða spennandi. Ekki svo að skilja að epli frá Chile séu lakari en önnur. Nei, epli geymast bara svo fjandi lengi að það er erfitt að sjá hversu gömul þau eru.

Athugasemdir

[Þorgeir Ragnarsson, 23.11.2006 kl. 20:22]

Þú veist að eplin sem við Íslendingar fáum til okkar eru í kringum árs gömul?

Bara svona eitthvað fyrir þig til að hugsa um næst þegar þú færð þér epli

[Sveinhildur Torfadóttir, 23.11.2006 kl. 21:00]

hmm..ársgömul....og af hverju í ósköpunum ætti það að vera sattt...??

En, annars eru eplin frá Chile, sérstaklega þau grænu alveg æðislega góð. Bestu epli sem ég hef smakkað...